Caawimo haddii aad kala kulanto qoyskaaga hanjabaad ama rabshad sabab la xiriirta jihayntaada galmo ama aqoonsiga jinsigaaga
Stöd om du är utsatt för hot eller våld av familjen på grund av din sexuella läggning eller könsidentitet - somaliskaQoyskaagu ma ka cabsi qabaa inay waayaan sharaftooda sababtoo ah waxaad tahay khaniis, laba-jinsiile, qof jinsigiisa beddelay ama queer?Dhaqankaaga ama diintaadu ma kugu keenayaan khatar ah in qoyskaaga ama bulshadaada diineed ay ku diidaan sababtoo ah waxaad tahay qofka aad tahay? Mise ma qarinaysaa qofka dhabta ah ee aad tahay si aad isaga ilaaliso hanjabaad ama rabshad uga timaadda qoyskaaga? Waxaad xaq u leedahay inaad noqoto qofka aad tahay, waxaana jira caawimo iyo taageero aad heli karto.
Ku akhri qoraalka af Iswiidhish, Ingiriisi ama Carabi.
Way fiicnaan doontaa xataa hadii aanad aaminsanayn
Filimkan wuxuu ku salaysan yahay waraysiyo laga qaaday dhalinyaro LGBTQ ah.
Filimkan wuxuu ku salaysan yahay waraysiyo laga qaaday dhalinyaro LGBTQ ah.
Waxaad la hadli kartaa qof adigoon sheegin aqoonsigaaga
Waa in aad xaaladaada cid uun uga waranto, xataa hadii ay kugu adagtahay. Markaas ayaad heli kartaa taageero. Waxaad dooran kartaa inaadan sheegin aqoonsigaaga.
Liiska hoose waxa ku qoran ururo aad la xiriiri karto adigoon sheegin aqoonsigaaga. Dadka ka shaqeeya meeshaas waa kuwo yaqaana sida loo dhagaysto qof xaaladaada oo kale ku jiro. Sidoo kale waxay ku siin karaan talo meesha aad kula kulmi karto dad xaaladaada oo kale ku jira.
- Linnamottagningen waxay ku bixisaa taageero goobta ah, iimayl ahaaniyo teleefon ahaan ah. Soo wac 020 40 70 40.
- Adeegyada Taageerada RFSL (RFSL Stödmottagning) waxay taageero dhowr luuqadood lagu heli karo ku bixiyaan goobta, iimayl ahaan iyo taleefon ahaan. Soo wac 020 34 13 16.
- Dhalinyarada RFSL (RFSL Ungdom) waxay taageero ku bixiyaan sheekeysi ahaan iyo iimaylka ahaan labaduba.
- Qadka Taageerada Somaya (Somaya Stödjour) waxay taageero dhowr luuqadood lagu heli karo ku bixiyaan taleefonka iyo iimayl ahaan. Soo wac 020 81 82 83.
- GAPF – Riksorganisation mot hedersvåld waxay taageero ku bixisaa iimayl iyo taleefan. Wac 070-000 93 28.
- Regnbågslinjen, Kyrkans SOS (khadka taageerada Masiixiga ee Rainbow). Soo wac 0770-55 00 10.
Qadka Wasaarada Arrimaha Dibadda, Wasaarada Arrimaha Dibada ee Iswiidhan
Ka soo wac Qadka Tooska ah ee Wasaarada Arrimaha Dibada haddii uu qof kugu qasbay inaad dibada aadid oo aad u baahan tahay caawimaad si aad ugu soo laabato gurigaaga. Qadka wuxuu furanyahay 24 saacadood maalintii. Lambarka taleefonka: +46 (0)8 405 50 05
Waxaad heli kartaa caawinaad haddii laguu geysto hanjabaad ama rabshad
Hay’ada daryeelka bulshada (Socialtjänsten)
La xidhiidh hay’ada daryeela bulshada (socialtjänsten) hadii aad ka baqanayso in ay wax kugu dhacaan, ama aad u baahan tahay taageero ama ilaalin lagaa siiyo hanjabaad ama rabshad. Way ku caawin karaan iyagu. Tusaale ahaan, waxay kuu diyaarin karaan meel ammaan ah oo aad si ku meel gaar ah u degto.
Waxaad ka helikartaa meesha aad kala xidhiidhayso hay’ada daryeelka bulshda (socialtjänsten) website ka kamuunka. Sidoo kale waxaad ka heli kartaa meesha aad kala xidhiidhayso socialtjänsten tusaale ahaan liiska halkan sare yaala.
Markaad caawimaad ka raadsanayso hay’ada daryeelka bulshada (socialtjänsten) waa in aad sheegtaa qofka aad tahay. U sheeg hadii aad ka cabsi qabto in qoyskaagu dhaawac kuu geystaan hadii ay ogaadaan in aad cawimaad raadsatay. Markaas ayay Socialtjänsten ku gaynayaan meel amni ah intaanay la xidhiidhin waalidkaa ama cida masuulka ah ee aad la dagan tahay.
Hay’da daryeelka bulshadu (socialtjänsten) waxay ku khasban tahay in ay la xidhiidhaan cida masuulka kaa ah ee aad la dagan tahay hadii aad ka yar tahay 18 jir. Lakiin khasab maaha in ay u sheegaan wixii aad ku tidhi oo dhan. Marmarka qaar waxii aad sheegtay in kamid ah sir bay noqon kartaa. Tusaale ahaan hadii ay jirto khatar ah in qoyskaagu dhib kuu geysto haday ogaadaan.
112 iyo Booliska
Wac 112 hadii aad khatar degdeg ah ku sugantahay. Ka wac booliska 114 14 hadii aanay degdeg ahayn, ama +46 77 114 14 hadii aad wadanka dibadiisa joogto.
