Dhaqso uga bax bogga!

Gudniinka xubinta taranka ee dumarka – xalaaleynta xubinta taranka

Omskärelse av snippan | Könsstympning - somaliska

Gudniinka xubinta taranka dumarka ayaa waxa sidoo kale loo yaqaanaa xalaaleynta xubinta taranka. Taasi micnaheedu waxa weeye in qof uu gooyey ama uu dhaawacay qaybo ka mid ah xubinta taranka ee dumarka. Waxa jira caawimaad fiican oo aad heli kartid haddii aad dhibaato dareemayso gudniinka kadib. FG: sawirro xassaasi ah!

Sawir 1
En person sitter på en stol och tittar på sin snippa med en spegel. Illustration.

Sidee ayay u eekaan kartaa?

Waxa gudniinka loo sameeyaa siyaabo badan. Marmarka qaarkood ayaa qaybaha dibadda ee xubinta taranka dumarka waxyeelo loo geystey, ama qeybo ka mid ah ayaa laga gooyey. Marmarka qaarkood ayaan gudniinka la arki karin. Halkan waxaad ka arki kartaa dhowr tusaale oo sida uu u eekaan karro ah:

Sawir 1
Sidan ayay xubinta taranka dumarka ee aan la gudin u eekaan kartaa
Sawir 1
Sawir 1
Sawir 1

Waxaad wali ku raaxeysan kartaa galmada

  • Nooca ay doonto xubintaada taranka ee dumarka ha u eekaatee, waxaad wali dareemi/rabi kartaa oo aad ku raaxeysan kartaa galmada, adiga kalidaa iyo dadka kale aad la sameyso labadaba.
  • Qeybta ugu weyn ee kintirku waxay ku hadhsan tahay gudaha jirka xataa haddii guudka sare/caaradda korre la gooyey/ Kintirka oo dhan waa mid dareen ahaan galmada u nugul.
  • Waxa jira meelo kale oo badan oo jirka ku yaala oo raaxo laga dareemo karro.
  • Waxay biyahu kaa iman karaan xataa haddii lagu gudey.

Waxa dhibaato kuu keeni kara gudniinka

Dadka qaar loo sameeyey gudniinka xubinta taranka dumarka ayaan wax dhibaato ahba dareemin. Halkan waxa ku yaala dhowr dhibaatooyin ah oo aad heli karto:

  • Waxa kugu adkaan karta kaadida. Waxay qaadan kartaa wakhti dheer ama waa ay ku xanuujin kartaa. Waxaad marar badan heli kartaa cudurka infegshanka kaadida.
  • Waxa dhici karta in aad dhibaato dareento wakhtiga dhiiga caadada. Waxay noqon kartaa xanuun ama in ay adkaato in uu dhiigu si toos ah usoo dareero oo uu kaaga soo baxo.
  • Waxa dhici karta in aad dareento cidhiidhi ama xanuun siilka markaad galmoonayso. Oo aad xanuun dartiis galmada samayn kari waydo.
  • Siilka ayaa ku xanuuni karra. Waxaad heli kartaa nabaro iyo finan/fiixo xanuun leh.

Gudniinka Dumarka - Gudniinka Gabdhaha

Waxaad tagi kartaa rugta caafimaadka dhalinyarada (ungdomsmottagning) ama xarunta daryeelka caafimaadka (vårdcentral) haddii aad qabto dhibaatooyin ka dhashay gudniinka gabdhaha (FGM). Waxaad la hadli kartaa kalkaalisada iskuulka haddii aad dhigato iskuulka.

Waxaa jira xarumo ku yaal saddex meelood oo kala duwan oo Iswiidhan ah kuwaas oo ku takhasusay daaweynta dhibaatooyinka uu sababo gudniinka gabdhaha. Waxaad tagi kartaa xarun meel kasta oo aad kaga nooshahay Iswiidhan (linkiyadu waxay ku geynayaan bogag internet oo af Iswiidhish ah).

Caawimada aad heli karto:

  • Kalkaaliso ama dhakhtar ayaa eegi karra haddii lagu guday iyo haddii kale. Waxa laga yaabaa inaanad adigu taas hubin.
  • Waxa suurtogal ah in qaliin loo sameeyo siil la isku tolay, si markale dib loogu furo. Marmarka qaarkood ayaa taas loo baahan yahay, haddii aad galmo sameynayso ama aad ilme umuleyso.
  • Waxaad heli kartaa caawimo ah in lagaa gooyo buurbuurka nabarka ee kintirka hadii ay dhibaato ama xanuun kugu hayaan.
  • Waxaad la hadli kartaa qof haddii aad wax xun dareemeyso, tusaale ahaan inaad xasuusaneyso gudniinka.

Shaqaalaha waxa qabanaaya xeerka sir haynta iyagoo aan u sheegi karin cid kale haddii aad caawimo daryeel ah lagu siiyey.

Waa sharci darro in qof la guddo

  • Waa adiga ikhtiyaarkaaga haddii aad rabto inaad qof u sheegto in xubintaada taranka ee dumarka la guday. Waa adiga ikhtiyaarkaaga haddii aad rabto inaad tusto sida ay u eegtahay. Ma aha wax dambi ah inaad gudan tahay.
  • Laakiin waa sharci darro in qof la guddo. Qofka isagu qorsheynaaya, qof kale ka dalbanaaya ama isaga laftiisu sameynaaya gudniin ayaa sharciga ku xadgudbaaya. Tani waxay xataa khuseysaa haddii aad tagto wadan kale si aad ugu soo sameyso gudniinka.
  • Ma waxaad ka welwelsan tahay in qof la guddi doono? La soo xiriir adeeg bulshada ama Booliiska. Waxa aad la hadli kartaa kalkaalisada dugsiga joogta ama qof weyn oo kale oo aad ku kalsoon tahay.

Länkar

Dib u habayntii u dambaysay:
2026-04-06
Tifaftire:
Åsa Sandler
Xaqiiqa‐baare:
Bita Eshraghi, Dhakhtarka dumarka, Rugta Caafimaadka Haweenka iyo Rugta Caafimaadka AMEL, Södersjukhuset, Stockholm
Naqshadeeye:
Cecilia Birgerson Nordling
Lermodeller:
Leah Brickhouse

All fakta på UMO.se är granskad av experter och uppdateras regelbundet. Här kan du läsa mer om hur vi jobbar med kvalitet på våra webbplatser.

In badan oo soomaali ah

  • Ku saabsan xarumaha caafimaadka ee dhalinyarada

    Waxaad ka heli kartaa noocyo badan oo caawinaadka iyo taageero ah rugta caafimaad ee dhalinyarada. Tusaale ahaan, waxaad weydiin kartaa su'aalo ku saabsan jirkaaga ama galmada. Waxaad sidoo kale la hadli kartaa qof haddii aad u baahato.

  • Xuubka bikrada ma jiro

    Dad badan ayaa aaminsan in uu jiro xuub khafiif ah oo daboolaya afka hore ee xubinta taranka haweenka. Laakiin taasi waa khuraafaad. Xuubka bikrada ma jiro. Ma jiro wax jabaya marka ugu horreysa ee aad galmo sameyso.

  • Artikel innehåller video

    Sida loo xidho kondhomka

    Waa muhiim inaad si sax ah u isticmaasho kondhomka si aad u hesho ilaalinta kugu habboon. Halkan waxaad ku baran doontaa sida loo xidho kondhomka.

  • Iibinta galmada — in wax laguugu siiyo in aad galmo sameyso

    Iibinta galmada macnaheedu waa in qof lacag kugu siiyo si aad wax galmo ah u sameyso. Waxaad u samayn kartaa sababtoo ah waad rabtaa ama sababtoo ah waxaad dareemaysaa in lagugu qasbayo. Waa wax caadi ah inaad dareento xumaan ka dib markaad iibiso galmada. Waxaa jira taageero iyo caawinaad la heli karo.

  • Faraxumaynta galmada

    Faraxumayn galmo macnaheedu waa in qof uu kugu sameeyay wax galmo ah inkastoo aadan rabin. Waa dambi. Marna khaladkaaga ma aha haddii ay kugu dhacdo.

  • Ma ka baqeysa in lagugu qasbo guur

    Adiga keliya ayaa go'aansan kara inaad guursato iyo in kale. Qofna looma oggola inuu ku qasbo, ku qanciyo ama kugu khiyaaneeyo inaad guursato. Waa sharci darro.

  • Waa maxay rabshadaha sharafta ku salaysan iyo dulmiga?

    Ma lagu xakameynayaa ama lagu hanjabayaa si loo ilaaliyo sumcadda qoyskaaga? Tan waxaa loo yaqaan rabshadaha sharafta ku salaysan iyo dulmiga. Tani ma fiicna waxayna noqon kartaa sharci darro. Waxaad xaq u leedahay inaad hesho caawinaad.

  • Caawimo hadii handadaad ama waxyeelo qoyskaagu kuu gaysteen jinsigaaga ama doorashada galmo darteed (sexuella läggning eller könsidentitet)

    Qoyskiinku miyuu ka cabsi qabaa in aad ceebayso hadii aad khaniis, labeeb, mid jinsigiisa badalay ama mid jinsiguu doono u galmoonda ama iska dhigi kara (queer) aad tahay? Dhaqankaaga ama diintaadu miyay yihiin kuwo qoyskaaga iyo bulshada kaa dhex saaraya hadii aad cadeysato qofka dhabta ah ee tahay? Mise waad qarsanaysaa, si aan qarabadaadu handadaad iyo waxyeelo kuugu geysan? Xaq ayaad u leedahay in aad noqoto qofkii aad doonto isla markaana waxaad helaysaa caawimo iyo garab.

  • Siigeysigu ma u xun yahay jirka?

    Maya, siigeysigu uma xuma jirka. Waxaa jira khuraafaad badan oo been abuur ah oo ku saabsan siigeysiga iyo sida ay u saameyn karto jirka.

  • Ma wax caadi ah baa in la daawado filimada galmada?

    Ma wax caadi ah baa in la daawado filimada galmada?

    • TAad bogga xaggiisa sare